الي ناوية تخطب تيجي عندي عشان بدي اياها على جنب شوي

مرحبا يا عرايس..
قصدي يا بنات..
اسمعن وعِن
خالتكم ام سمير اليوم بدها تعلمكم أشياء...والله انها عن طيب نفس..


كيف تقابلي العريس لأول مرة؟؟؟

هناك قاعدة تقول إن "الانطباع الأول يدوم" يعني الفكرة اللي حياخدها عنك الشب الي جاي في أول لقاء حيترتب عليها أشياااء كتير نفس الشيء بالنسبة الك الفكرة اللي حتاخديها عنه من أول مرة حيترتب عليها أشياءكتير عشان هيك بدي تكوني ناصحة وتقدري بأسلوبك وذكائك وجمالك تتركي انطباع كويس عنك عند الشب هاد (الي الله بلاه) حتى لو ما صار نصيب
طبعا حتسألي نفسك وتحكي أنا مستحية مووووت ومش عارفة أعمل شي..وحاسة إني حلخبط الدنيا وأعمل عمايل سودة وعمالة أتصل بصاحباتي وكل واحدة تضحك عليّ ومحدش قال لي كلمة مفيدة أقدر أستفيد بيها
ماتخافيش.. هسا انا حمشي معاكي خطوة خطوة وأحكيلك شو تعملي:
معك ورقة وقلم؟؟
ولا بلاش ما بتحتاجيهم يمكن

الخطوة الأولى
جهزي نفسك نفسيا ومظهريا
1-
عشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي العريس يتفرج عليها لأنه هااااااااد مش صح وحطي في دماغك إن هالشب (الله يحميه) جاي يتعرف على البنت اللي ممكن تكون شريكة حياته وإنها هاي مش عيب ومافي منها أي تقليل من شأنك..في بنات بفكرو هيك
2-
حاولي على قد ما تقدري تخلّي أعصابك هادية جدا وتبعدي عن أي مصدر قلق أو توتر.. عشان التوتر ممكن يبين على وجهك واحنا بدناش هيك (بدنا نتمم الشغلة ونخلص من حوا بهالمجتمع...عشان المسبحة تكر) احنا بدنا عروس متل القمر وياريت كمان قبل الميعاد تاخدي دش دافي
3-
بعد هيك ادخلي االغرفة عندك وابدأي في اختيار لبسك.. وعلى فكرة النقطة هاااي بتحير بنات كتيييير لأنهم بيحتاورا يلبسوا كلاسيك ولا لبس عادي
بس بيني وبينك ياريت أول مرة تلبسي لبسك العادي اللي انتي بتلبسيه وأنتي طالعة براة البيت(يعني بتلبسي جلباب البسي جلباب..بتبلبسي جزرة ضلي بالجزرة...هههه).. يعني لو كنت بتلبسي بنطلون وبلوزة البسيهم بس ياريت البنطلون يكون قماش مش جينز أو لو كنتي بتلبسي تنورة وبلوزة او جاكيت البسيهم برضه عشان يشوفك على طبيعتك في اللبس وبلاش موضوع إنك تلبسي رسمي لأن هاد حيخلي الشغلة رسمية ومربكة الك واله عريس الغفلة وممكن تبيّنك أكبر من سنك...واحنا بدنا تبيني سنفورة مش خنشورة
واوعي تنسي تختاري الألوان اللي تكون مناسبة عليك وتنور وجهك..مش تروحي تفضحيني وتلبسي اسود..ولا كحلي..هم حلوين بس بدنا تفرفحي بألوان حلوة مش تعتمي الدنيا..(بمزح ترى ماله الأسود والكحلي مش عاجبه لا يرجع..قال بالله)
4-
لو كان اللقاء حيتم في البيت فياريت ما تلبسيش كعب عالي من مرة وخليك في الكعب اللي 3 سم..أو عادي بالبوت بصير..ههههه
لا مش لهدرجة اوعي تردي علي بشغلة البوت تراته هبل بصير
5-
ياريت في اليوم هاد ما تكتريش في المكياج عشان ما تبقيش عاملة متل البلياتشو.. وخليك بسيطة جدا في مكياجك يعني بكفي إنك تحطي روج وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي جدا إن وشك حيحمر في اليوم هاد فمش رح تحتاجي لأحمر الخدود لأنه حيكون موجود طبيعي...بس لو بدون مكياج ع فكرة أفضل بلاش يحكي انه بنغش فيه..
6-
خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خيرالك أعتقد إنك لو عملتي هاي الأشياء اللي قلنا عليها حتكوني فعلا استعديتي منيح
الخطوة التانية
أثناء اللقاء نفسه
1-
بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على اللي قاعدين.. بكفي إنك تدخلي بابتسامة بسيطة على شفايفك وتسلمي على كل اللي موجودين وعليه هو كمان.. واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس لأنه حقك الشرعي وخليكي واثقة من نفسك وخدي الموضوع ببساطة عشان يعدّي وأخلص جد زهقت
2-
لو حماتك قصدي امه أجت معاه (وأكيد حتكون قدامه) ياريت تخلّي بالك منها وبلاش تكشّري في وجهها وهي قاعدة.. خليكي مبتسمة لها دايما حتى لو قالت اشي مش عاجبك اوعي تردي عليها رد مش مناسب واحكي عادي وحاولي تكسبي رضاها وخليكي ذكية وفكري في كل كلمة قبل ماتقوليها..اوووووعك من التخبيص..ولو عارفة حالك بدك تتلبكي تحكيش انو جابرك..يقولو هبلة ولا يقولو مجنونة خخخخخ
3-
وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيحكي عشان تقدري تحكمي عليه...بلكي اجكم ولا ما بعرف يحكي..وتبلعي فيه..اصحك..وكوني صاحية ومصحصحة احنا كمان ما بدنا ننغش ايوة ناقصنا ننبلي كمان..
4-
لو فيه شغلة تضحك يا ريت ماتضحكيش ضحك بصوت عالي أو ضحك هستيري ابتسامة بسيطة على شفايفك..بتكفي يا حبيبتي..وازا سناناتك بشعين تضحكيش يعمري..ولا تبتسمي كمان
5-
خليكي جريئة ولو وجه لك الكلام ردي عليه بذوق من غير خجل...عادي ولا أسهل منها اسأليني أنا..مقلعة سناني بهالشغلة خخخخخ مش تصدقو..
كمان خدي بالك استني وين رايحة بعدني بحكي مني
1-
لو سمحت الظروف وقعدتوا مع بعض ياريت تحكي معاه في أمور عادية جدا.. زي مثلا البرامج اللي بتعجبك في التليفزيون أو عن شغلات تكون صارت قريب وشدت انتباهك وابعدي عن الكلام في أي مواضيع تكون مسار جدل زي مثلا الفوتبول والسياسة وحماس وفتح وريال مدريد وبرشلونة وابصر شو .. ولو تطور الكلام بينكم لأي مواضيع فيها جدل خليكي ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه..بس مش يقنعك من أول يوم انك ريال تروحي ريال...خليكي ذكية هو كل اشي انا بدي أعلمك ياربي

واوعي في أول حكي بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان حابب قبلك ولا لأ لأن الأسئلة اللي من هاد النوع ما بنفع تسأليها في أول مقابلة..بعدين يطلع حابب 19 قبلك وتعملي طوشة..انسي المهم تكوني الأخيرة..بعدين بنتحاسب ع زمان مش بيناتكم يا بنت..
2-
لو كان اللقاء في مكان عام أو معكم ناس تانيين بالقعدة متل ابن خالك ابن عمك ابن عمتك أو خلال مناسبة ما فحاولي تقللي من نظراتك حول الأشخاص الموجودين في المكان وركزي في الشخص نفسه...بلاش يستت ويخمس من أول يوم
الخطوة الثالثة
بعد انتهاء اللقاء
بعد ما يمشوا بدي اياكي تقعدي مع امك الحجة وتحكيلها على الي صار من طكطك للسلام عليكم وعليكم السلام وتفكري معاها منيح بصوت عالي وشوفي اللي قدرتي تطلعي بيه من اللقاء.. لأنه فيه أشياء حتى لو بسيطة حتكون بينت قدامك ولو مش قادرة تحكمي منيح ياريت تطلبي لقاء تاني عشان تقدري تحكمي على أساس صح.. وربنا يوفقك...
وياااااااااااااااارب توافقي...ويطلع منيح يعني..
أه صح ابقي احكيله بعد ما تتزوجو انه انتي كنتي مشاركة بمنتد انا وانا الي علمتك هاد الحكي..احم احم بلكي صحلي طرطوشة

[ندعوك للتسجيل في المنتدى أو التعريف بنفسك لمعاينة هذه الصورة]